инженерлік-авиациялық қызмет

(Инженерно-авиационная служба)

әскери-әуе күштеріндегі және қарулы күштердің басқа да түрлеріндегі авиацияның әскери қимылдар мен ұрысқа дайындығын инженерлік-авиа-циялық қамтамасыз етуге арналған қызметінің бір түрі. Қазіргі инженерлік-авиациялық қызмет әскери-әуе күш-терінің, елдің әуе шабуылына қарсы қорғаныс әскерлері авиациясының авиациялық бөлімдеріндегі, құрамаларын-дағы, авиациялық округтері мен орталық басқару органдарындағы инженерлік-техникалық құрамның ұйымдасты-рушылық-штаттық құрылымы болып табылады. Инженерлік-авиациялық қызметтің негізгі міндеттері: ұшақтарды, тікұшақтарды, планерлерді, авиациялық қозғалтқыштарды, қару-жарақ пен құрал-саймандарды дұрыс және пайдалануға дайын қалпында ұстау, авиациялық техниканы техникалық дұрыс пайдалану; ұшқыштар мен инже-нерлік-техникалық құрамның техникалық дайындығына жетекшілік ету. Инженерлік-авиациялық қызметтің жұмы-сы тиісті ережелермен, нұсқаулармен, басқа да құжаттармен реттеледі.